Seçki xəbərləri
Xətai seçiciləri YAP-ın namizədlərinə səs verəcək
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Bakı şəhəri, Xətai rayonunun Xətai və Əhmədli bələdiyyələri üzrə Yeni Azərbaycan Partiyasının (YAP) namizədlərinin seçicilərlə fərdi və məhəllə görüşləri keçirilib.
Görüşlərdə iştirak edən namizədlər və seçki qərargahının üzvləri, yerli özünüidarəetmə orqanlarının cəmiyyətdəki əhəmiyyətini və rolunu seçicilərə izah edərək, YAP-ın bələdiyyə seçkiləri üçün hazırladığı proqramın üstünlüklərini təqdim ediblər.
Onlar partiyanın əvvəlki nailiyyətlərini vurğulayaraq seçiciləri növbəti seçkilərdə YAP-ın namizədlərinə etimad göstərməyə çağırıblar. Bu cür təşviqat seçici məlumatlılığını artırmaqla yanaşı, partiyanın gələcək uğurları üçün də vacib bir addım kimi qiymətləndirilir. Bu yanaşma vətəndaşların siyasi proseslərdə daha aktiv iştirakını stimullaşdırmaq məqsədi daşıyır.
Öz növbəsində, seçicilər YAP-ın fəaliyyətini dəstəklədiklərini vurğulayıblar.
