Seçki xəbərləri
Seçki kampaniyasında YAP-ın qələbə ruhu hökm sürür
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Astara rayonu, Ərçivan bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə çıxış edən YAP Astara rayon təşkilatının sədr müavini Vüqar Abbasov partiyann namizədləri haqqında məlumat verib. O, partiyanın seçki kampaniyasının uğurla davam etdiyini diqqətə çatdırıb.
Seçki qərargahının üzvü Kübra Səmədova və bələdiyyə üzvlüyünə namizəd Fərmin Salayev bələdiyyələr indiyədək uğurla həyata keçirdiyi layihələrin əhəmiyyətindən bəhs ediblər.
Seçicilərdən Emil Nəzərov, Cəsur Salayev və başqaları çıxış edərək YAP-ın fəaliyyətini dəstəklədiklərini və bələdiyyə seçkilərində partiyanın namizədlərinə səs verəcəklərini vurğulayıblar.
Qeyd edək ki, Ərçivan bələdiyyəsi üzrə namizəd Fərmin Salayev Artupa kəndində, Astara bələdiyyəsi üzrə namizəd Nigar Əbilova isə Astara şəhəri, Heydər Əliyev prospekti 207 A ünvanda məhəllə görüşləri keçiriblər.
