Seçki xəbərləri
Yeni nailiyyətlər qazanmaq naminə...
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təbliğat-təşviqat mərhələsi çərçivəsində Ağcabədi rayonu Aran bələdiyyəsi və Yeni Qaradolaq bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Ağcabədi rayon təşkilatının məsləhətçisi Elşən Səfərov ölkədə həyata keçirilən islahatların bələdiyyəçilik sahəsini də əhatə etməsinin əhəmiyyətini vurğulayıb. O, bu proseslərin yerli icmaların rifahına müsbət təsir edəcəyini və bələdiyyələrin daha effektiv fəaliyyət göstərmələrini təmin edəcəyini qeyd edib.
Görüşlərdə Aran bələdiyyəsi üzvlüyünə namizəd Təvəkkül Qasımov və Şükür Novruzov, Yeni Qaradolaq bələdiyyəsi üzvlüyünə namizəd Namiq Hüseynov və Cəmalə Mikayılova çıxış edərək YAP-ın seçki proqramı haqqında seçicilərə məlumat verib, bütün seçiciləri seçkilərdə fəal iştirak etməyə və layiqli namizədlərə səs verməyə çağırıblar.
Seçicilərdən Çiçək Şirəliyeva, Afət Quliyeva, Tofiq Əlvəndov, Nofəl Ağayev Yeni Azərbaycan Partiyasının irəli sürdüyü namizədləri dəstəkləyəcəklərini bildiriblər.
