Seçki xəbərləri
Vacib və şərəfli missiya
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Sabirabad rayonu Qaratəpə bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Sabirabad rayon təşkilatının sədri Varis Rüstəmov bildirib ki, bələdiyyələr dövlətin iqtisadi gücünü və müasir texnologiyaları istifadə edərək bərpa-quruculuq işlərini irəlilətməkdə önəmli rol oynayır. O, bələdiyyə üzvlüyünə namizədlər haqqında seçicilərə məlumat verib.
Görüşdə çıxış edən seçki qərargahının üzvləri Ərzuman Babaşov, Tural Hüseynzadə, Faiq Hüseynov və bələdiyyə üzvlüyünə namizədlər Qaçay İsmayılov, Mehdi Bayramov və Ramil İsayev qeyd ediblər ki, yol-nəqliyyat, enerji təminatı və digər infrastruktur layihələrinin reallaşdırılması işinə bələdiyyələr də yerli səviyyədə töhfə verəcək.
Görüş zamanı seçicilər Məleykə Ağayeva, Şəhla Cəfərova, Bəxtiyar Mövlüdov və digərləri YAP-ın fəaliyyətini dəstəklədiklərini və bələdiyyə seçkilərində partiyanın namizədlərinə səs verəcəklərini vurğulayıblar.
