Seçki xəbərləri
Tərtərdə seçicilərlə görüş keçirilib
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Tərtər rayonunun Bəyimsarov bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə çıxış edən YAP Tərtər rayon seçki qərargahının üzvü Azər Ağayev bələdiyyələrin fəaliyyətindən, ölkə Prezidenti, YAP-ın Sədri İlham Əliyevin rəhbərliyi ilə ölkəmizdə əldə olunan uğurlardan, Azərbaycan xalqının rifahının daha da yaxşılaşdırılması istiqamətində yürüdülən siyasətin nəticələrindən danışıb. O, çıxışında bələdiyyələrin cəmiyyətin sosial həyatında rolunun artdığını vurğulayaraq seçiciləri bu seçki kampaniyasında fəal iştirak etməyə çağırıb.
Görüş zamanı çıxış edən seçicilər də bələdiyyə seçkilərində YAP-ın namizədlərinə səs verəcəklərini vurğulayıblar.
