Seçki-2024
Yeni qələbələrə doğru!
2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təbliğat-təşviqat mərhələsi çərçivəsində Yeni Azərbaycan Partiyası (YAP) tərəfindən 54 saylı Mingəçevir seçki dairəsindən deputatlığa namizədliyi irəli sürülmüş Aydın Mirzəzadənin YAP Mingəçevir şəhər qərargahında ilk dəfə səs verəcək seçicilər ilə görüşü keçirilib.
Görüşü giriş sözü ilə açan YAP Mingəçevir şəhər təşkilatının sədri Bəxtiyar Mustafayev Yeni Azərbaycan Partiyasının parlament seçkilərinə “Yeni dövrə yeni Azərbaycanla!” şüarı ilə qatıldığını diqqətə çatdırıb. O bildirib ki, parlament seçkiləri xalqın YAP-a etimadının daha bir nümunəsi olacaq.
Çıxış edən deputatlığa namizəd Aydın Mirzəzadə əvvəlcə YAP-ın seçki platforması haqqında ətraflı məlumat verib. Daha sonra namizəd Yeni Azərbaycan Partiyasının seçki platformasında seçicilərə təqdim edilən uğurlardan və hədəflərdən danışıb. Parlament seçkilərinə “Yeni dövrə yeni Azərbaycanla!” şüarı ilə qatılan Yeni Azərbaycan Partiyasının da bu uğurlarda böyük rolu olduğu vurğulanıb.
Tədbir iştiraklarından Dağlar Babayev, Nəzrin Hacıyeva, Maral İsmayılova, İsa Hacıyev, Şəmsinur Hüseynova və digərləri çıxışlarında qeyd ediblər ki, yarandığı vaxtdan iştirak etdiyi bütün seçkilərdə qələbələr qazanan YAP daim xalqın mənafeyindən çıxış edib və bu gün siyasi sistemin aparıcı qüvvəsi kimi ölkəmizə mühüm nailiyyətlər qazandırmaqdadır.
Çıxış edənlər uğurlarımızın davamı naminə seçiciləri parlament seçkilərində YAP-ın namizədinə səs verməyə çağırıblar.
