Seçki-2024
YAP-a inam sonsuzdur
2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təbliğat-təşviqat mərhələsi çərçivəsində Yeni Azərbaycan Partiyası (YAP) tərəfindən 70 saylı Neftçala seçki dairəsindən deputatlığa namizədliyi irəli sürülmüş Fərhad Baxışovun Qədimkənd kəndində seçicilərlə görüşü keçirilib.
Görüşü giriş sözü ilə açan YAP Neftçala rayon təşkilatının sədri Ülvi Fərzəliyev namizədlərin genişmiqyaslı təbliğat-təşviqat kampaniyası partiyamızın seçkilərə hazırlıq səviyyəsini və qələbə əzmini göstərir.
Çıxış edən deputatlığa namizəd Fərhad Baxışov Yeni Azərbaycan Partiyasının bütün seçkilərdə olduğu kimi VII çağırış Milli Məclisə keçiriləcək parlament seçkilərində də mütləq qələbə qazanacağına əminliyini ifadə edib. O, qeyd edib ki, xalqımızın Yeni Azərbaycan Partiyasına olan inamı sonsuzdur və hər kəs əmindir ki, qarşıya qoyulan hədəflər mütləq reallaşdırılacaqdır.
Tədbirdə Aprel döyüşlərinin şəhidi Elmidar Səfərovun anası Aminə Səfərova və qardaşı Elzibar Səfərov, Vətən müharibəsi qazisi Nahid Əliyev, şair-publisist Müzəffər Məzahim və digərləri çıxış ediblər.
Çıxış edənlər seçiciləri YAP-ın deputatlığa namizədi Fərhad Baxışova səs verməyə çağırıblar.
