Seçki-2024
Azərbaycan dünya birliyinə uğurla inteqrasiya edir
2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təbliğat-təşviqat mərhələsi çərçivəsində Yeni Azərbaycan Partiyası (YAP) tərəfindən 37 saylı Qaradağ seçki dairəsindən deputatlığa namizədliyi irəli sürülmüş Aydın Hüseynovun Korgöz qəsəbəsində seçicilərlə görüşü keçirilib.
Tədbiri giriş sözü ilə açan YAP Qaradağ rayon seçki qərargahının üzvü Faiq Qurbanov bildirib ki, Azərbaycanın beynəlxalq aləmdə nüfuzunun artması, daxili və xarici siyasətin ən nüfuzlu beynəlxalq təşkilatlar tərəfindən dəstəklənməsi Ümummilli Liderin idarəçilik məktəbinin Yeni Azərbaycan Partiyasının Sədri İlham Əliyev tərəfindən qətiyyətlə davam etdirilməsinin nəticəsidir.
Daha sonra çıxış edən deputatlığa namizəd Aydın Hüseynov partiyanın seçki platforması haqqında ətraflı məlumat verib. Bildirib ki, Prezident İlham Əliyevin müdrik siyasəti nəticəsində müstəqil Azərbaycanın dinamik inkişafı qarşıdakı illərdə də davam edəcək, işğaldan azad olunmuş torpaqlarımız çiçəklənəcək. A.Hüseynov Ulu Öndər Heydər Əliyevin qurucusu olduğu müstəqil Azərbaycanın gələcəyi naminə ölkə Prezidentinin ətrafında bundan sonra da sıx birləşməyin vacibliyini seçicilərin diqqətinə çatdıraraq 1 sentyabr parlament seçkilərində fəal iştirak etməyə çağırıb.
Tədbirdə çıxış edən təşviqat qrupunun üzvləri Adışirin Ələkbərov, Rafiq Ağayev, YAP Qaradağ seçki qərargahının üzvü Cavanşir Əliyev Yeni Azərbaycan Partiyasının yarandığı gündən bu günə qədər iştirak etdiyi bütün seçkilərdə xalqın dəstəyi ilə qalib gəldiyini ifadə edərək seçiciləri YAP-ın namizədinə səs verməyə çağırıblar.
Qəsəbə sakinlərindən Məlahət Məmmədova, Əfqan Yaqubov, Gülər Məlikova, Məhərrəm Səfərov, Üzeyir Alxasov və digərləri çıxış edərək Prezident İlham Əliyevin siyasətini dəstəklədiklərini, YAP-ın namizədinə səs verəcəklərini bildiriblər.
Qeyd edək ki, deputatlığa namizəd Aydın Hüseynov həmin gün şəhid ailələri və qaziləri ziyarət edib, məhəlli görüşlər keçirib.Qeyd edək ki, deputatlığa namizəd Aydın Hüseynov həmin gün şəhid ailələri və qaziləri ziyarət edib, məhəlli görüşlər keçirib.
Qeyd edək ki, deputatlığa namizəd Aydın Hüseynov həmin gün şəhid ailələri və qaziləri ziyarət edib, məhəlli görüşlər keçirib.
