Seçki-2024
Gələcək nəsillərə örnək
Azərbaycan Respublikası Milli Məclisinə sentyabrın 1-də keçiriləcək növbədənkənar seçkilərdə Yeni Azərbaycan Partiyası (YAP) tərəfindən 106 saylı Tovuz seçki dairəsindən namizədliyi irəli sürülmüş Nizami Səfərov Tovuz rayonunun Abulbəyli kəndində şəhid Röyal Aslanovun və Emin Mahmudovun ailəsini ziyarət edib.
Deputatlığa namizəd Nizami Səfərov Müzəffər Ali Baş Komandan İlham Əliyevin rəhbərliyi ilə 30 il sonra ölkəmizin ərazi bütövlüyünün bərpa olunduğunu diqqətə çatdıraraq adları Vətən tarixinə qızıl hərflərlə yazılan şəhidlərimizin daim hörmət və ehtiramla yad edildiyini, gələcək nəsillərə örnək olduğunu qeyd edib.
Şəhid ataları Elzar Aslanov və Pünhan Mahmudov dövlət tərəfindən onlara daim göstərilən diqqət və qayğıdan razı qaldıqlarını bildirib, ölkə Prezidenti, Müzəffər Ali Baş Komandan İlham Əliyevə və Birinci vitse-prezident Mehriban xanım Əliyevaya hörmətlərini ifadə ediblər.
Daha sonra seçicilər 1 sentyabr seçkilərində YAP-ın namizədinə səs verəcəklərini bildiriblər.
