Seçki-2024
Seçim YAP-ın namizədidir
2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təbliğat-təşviqat mərhələsi çərçivəsində Yeni Azərbaycan Partiyası (YAP) tərəfindən 39 saylı Gəncə ikinci seçki dairəsindən deputatlığa namizədliyi irəli sürülmüş Pərvin Kərimzadə qəhrəman şəhidlərimiz Ceyhun Abbasovun, Xuduş Kazımovun, Asif Qocayevin, Bəhruz İsgəndərovun, Kərim Məmmədovun və Eltay Quliyevin ailə üzvləri ilə görüşüb.
Səmimi keçən görüşdə Azərbaycanın müstəqilliyi və ərazi bütövlüyü uğrunda həlak olan bütün şəhidlərimizin əziz xatirəsini böyük ehtiram və məhəbbətlə yad edən Pərvin Kərimzadə hər bir şəhid ailəsinin, şəhid övladının Vətənə, bizlərə əmanət olduğunu bildirib: "Qəhrəman Vətən oğullarımızın xatirəsi xalqımızın qəlbində daim yaşayacaq. Bu müqəddəs xatirəni qorumaq və gələcək nəsillərə çatdırmaq bizim borcumuzdur”.
Şəhidlərimizin ailə üzvləri Pərvin Kərimzadəyə parlament seçkilərində uğurlar arzu edib, 1 sentyabr günü seçki məntəqələrinə gəlib və hamılıqla Yeni Azərbaycan Partiyasının namizədlərini dəstəkləyəcəklərini bildiriblər.
