Seçki-2024
“Qalib dövlətin səsi ol!”
2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təbliğat-təşviqat mərhələsi çərçivəsində Yeni Azərbaycan Partiyası tərəfindən 46 saylı Sumqayıt beşinci seçki dairəsindən deputatlığa namizədliyi irəli sürülmüş Elnarə Akimovanın Hacı Zeynalabdin qəsəbəsi ərazisində Vətən müharibəsi şəhidləri Quliyev Namiq Natiq oğlu, Kazımzadə Məmməd Fərrux oğlu və Qulamov Rəcəb Heydər oğlunun ailəsi ilə görüşü keçirilib.
Namizəd şəhidlərin valideynlərinə belə qəhrəman və cəsur övladlar yetişdirdiklərinə görə minnətdarlığını ifadə edib. Görüşdə şəhid ailələrinin qayğı və problemləri dinlənilib.
Elnarə Akimova Azərbaycan Ordusunun Vətən müharibəsində düşmən üzərində şanlı Qələbə qazanmasından danışıb, şəhid ailələrinə dövlət tərəfindən göstərilən diqqət və qayğıdan bəhs edib.
Qeyd edək ki, namizəd qəsəbədə seçicilərlə fərdi görüşlər keçirib.
