Seçki-2024
Goranboy rayonunda seçicilərlə növbəti görüş...
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində fevralın 4-də Goranboy rayonunun Todan, Mənəşli, Erkəc, Buzluq və Quşçular kəndində yaşayan seçicilərlə görüş keçirilib.
Əvvəlcə Dövlət Himni səsləndirilib, Ulu Öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
Görüşdə YAP Goranboy rayon təşkilatının sədri Samir Qocayev, təşviqat qrupunun üzvləri Cavid Mustafayev, Ürfət Həsənov, Sərvan Bayramov, Ülkər Hümbətova, Sakit Məmmədov və Göyüş Nağıyev çıxış ediblər. Çıxışlarda qeyd olunub ki, son 20 ildə xalqımızın milli maraqlarına xidmət edən siyasət həyata keçirilib, ölkəmizin davamlı inkişafı təmin edilib. Cənab İlham Əliyevin Prezidentliyi dövründə Azərbaycan beynəlxalq aləmdə yüksək nüfuz qazanıb və dünya ölkələri tərəfindən etibarlı tərəfdaş olaraq qəbul edilib.
Natiqlər seçiciləri 7 fevral prezident seçkilərində fəal iştirak etməyə və qalib xalqın qalib Lideri olan Yeni Azərbaycan Partiyasının namizədi cənab İlham Əliyevə səs verməyə çağırıblar.
Seçicilər isə artıq seçimlərini etdiklərini və fevralın 7-də seçki məntəqələrinə gedərək xalqımıza Zəfər sevinci yaşadan cənab İlham Əliyevə səs verəcəklərini bildiriblər.
Görüş Yeni Azərbaycan Partiyası Himninin səsləndirilməsi ilə başa çatıb.
