Seçki-2024
Lerik rayonunda seçicilərlə görüş...
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 31-də Lerikdə şəhid ailələri, qazilər və müharibə iştirakçıları ilə görüş keçirilib.
Əvvəlcə Dövlət Himni səsləndirilib, Ulu Öndər Heydər Əliyevin və Vətən uğrunda canlarından keçən qəhrəman oğulların xatirəsi bir dəqiqəlik sükutla yad edilib.
Görüşdə YAP Lerik rayon təşkilatının sədri Malik Mirzəyev, təşviqat qrupunun üzvləri Elxan Qənbərov, Veysəl Məlikov, Mehman Rəcəbov, şəhid ataları Rəbbil Heydərov, Mükafat Yaqubov və şəhid anası Sevinc Babayeva çıxış ediblər.
Natiqlər seçiciləri 7 fevral seçkilərində aktiv iştirak etməyə və qalib xalqın Qalib Lideri olan Yeni Azərbaycan Partiyasının namizədi, Müzəffər Ali Baş Komandan İlham Əliyevə səs verməyə çağırıblar.
Sonda Yeni Azərbaycan Partiyasının Himni səsləndirilib.
Qeyd edək ki, təşviqat kampaniyası çərçivəsində seçicilərlə fərdi görüşlər də keçiriblər.
