Seçki-2024
Seçimimiz qalib Lider İlham Əliyevdir
2024 -cü il fevralın 7-də ölkəmizdə keçiriləcək prezident seçkiləri ilə əlaqədar YAP tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 30-da Xaçmaz rayonunun Uzunoba, Əhmədoba kəndində yaşayan seçicilərlə görüş keçirilib.
Keçirilən görüşdə YAP Xaçmaz rayon təşkilatının sədri Məhəmməd Balaqadaşov, təşviqat qrupunun üzvləri Nazim Ağayev, Nadir Süleymanov, Abasyar Heydərov, Telman Museyibov, şəhid atası Dilşad Şahmuradov çıxış ediblər.
Çıxışlarda qeyd olunub ki, Yeni Azərbaycan Partiyası bu seçkilərə “ Qalib xalqın qalib Lideri” şüarı ilə gedir. Görüşdə çıxış edənlər Azərbaycan dövlətinin keçdiyi inkişaf yolundan və ölkəmizin möhtəşəm Zəfərindən geniş bəhs ediblər.
Natiqlər seçiciləri fevralın 7-də keçiriləcək prezident seçkilərində fəal olmağa və Müzəffər Ali Baş Komandan İlham Əliyevə səs verməyə dəvət ediblər.
Qeyd edək ki, Uzunoba və Yataqoba kəndlərində fərdi görüşlər də keçirilib.
