Seçki-2024
Bəxtiyar Xanızadə: Qalib Liderimizin ətrafında sıx birləşməliyik
“Mən nə tarixçi, nə də siyasətçiyəm. Bir teatr işçisi, bir azərbaycanlı kimi düşünürəm ki, hər adam öz sahəsində öz bacardığı işlə məşğul olmalıdır, öz sahəsinin peşəkarı olmalıdır”.
Bu fikirləri Xalq artisti Bəxtiyar Xanızadə bildirib.
B.Xanızadə 44 günlük Vətən müharibəsi dövründə, demək olar ki, televiziya qarşısından ayrılmadığını, Prezident İlham Əliyevin bütün çıxışlarını izlədiyini qeyd edib: “Ali Baş Komandanımızın nə qədər ağır, nə qədər məsuliyyətli bir işin arxasında böyük əzəmətlə durduğunun şahidi oldum. Qələbəyə inamım dəfələrlə artdı. Bu tarixi Qələbə sadə bir Zəfər deyildi. Ali Baş Komandan təkcə bir Ermənistana yox, həm də bu işğalçı dövlətin çox güclü havadarlarına qalib gəldi”.
Xalq artisti vurğulayıb ki, Prezident İlham Əliyev xalqa verdiyi bütün vədləri yerinə yetirib: “Dövlətimizin başçısı sözünün arxasında gerçək əməl nümayiş etdirib və göstərib ki, işinin peşəkarıdır. Biz isə hər zaman qalib Liderimizin ətrafında sıx birləşməli və qarşıdan gələn prezident seçkilərində Ona səs verməliyik”.