Seçki-2024
Qalib Liderə inam və etimad sonsuzdur!
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində Hacıqabul şəhərində seçicilərlə növbəti görüş keçirilib.
Əvvəlcə Dövlət Himni səsləndirilib, Ulu Öndər Heydər Əliyevin və Vətən uğrunda canlarından keçən qəhrəman oğulların xatirəsi bir dəqiqəlik sükutla yad edilib.
Görüşdə YAP Hacıqabul rayon təşkilatının sədri İsmayıl İbrahimov, təşviqat qrupunun üzvləri İbadulla Ağayev, Ramiz Həsənov və İradə İbrahimova çıxış ediblər. Çıxışçılar Azərbaycana möhtəşəm qələbələr qazandıran Liderə - İlham Əliyevə inam və etimadın sonsuz olduğunu vurğulayıblar.
Natiqlər seçiciləri 7 fevral tarixində seçkidə fəal iştirak etməyə və qalib xalqımızın qalib Lideri olan Yeni Azərbaycan Partiyasının namizədi İlham Heydər oğlu Əliyevə səs verməyə çağırıblar.
Görüş Yeni Azərbaycan Partiyasının Himninin səsləndirilməsi ilə başa çatıb.
