Seçki-2024
Mələkxanım Əyyubova: Qürur mənbəyimiz olan Zəfər məhz İlham Əliyevin adı ilə bağlıdır
“Artıq prezident seçkilərinə sayılı günlər qalır. İnşallah, hər birimiz vətəndaş olaraq seçkilərdə fəal iştirak edəcəyik”.
Bu fikirləri tanınmış xanəndə, Xalq artisti Mələkxanım Əyyubova bildirib.
M.Əyyubova qeyd edib ki, Ulu Öndər Heydər Əliyev sənət adamlarına hər zaman böyük diqqət və qayğı göstərib: “Prezident İlham Əliyev də bu ənənəni yüksək səviyyədə davam etdirdi, sənət adamlarına, ziyalılara həmişə dəstək oldu. Dövlətimizin başçısı heç zaman diqqətini, qayğısını əsirgəmədi”.
“Müzəffər Ali Baş Komandan Qarabağ və Şərqi Zəngəzuru Azərbaycan xalqına qaytardı, torpaqlarımızı işğaldan azad etdi. Hər birimizin qürur mənbəyi olan bu Zəfər məhz İlham Əliyevin adı ilə bağlıdır”,- deyən M.Əyyubova seçiciləri prezident seçkilərində fəal iştirak etməyə və Ulu Öndər Heydər Əliyevin layiqli davamçısı cənab İlham Əliyevə səs verməyə çağırıb.