Seçki-2024
Cənab İlham Əliyevin siyasəti xalq tərəfindən birmənalı şəkildə dəstəklənir
Quba rayonunda seçicilər ilə görüşlər keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 17-də Quba rayonunun Qələdüz, Küpçal, Üçgün, Qımıl, Küsnət kəndlərinin və Qırmızı Qəsəbənin sakinləri ilə görüşlər keçirilib.
Görüşlərdə YAP Quba rayon təşkilatının sədri Fidan Hüseynova, təşviqat qrupunun üzvləri Elxan Məhərrəmov, Pisax İsakov, Saməddin Nəsirov, Kamran Əliyev, Tahir Nuruyev, Yusif Alıyev, Zaur Muradov və Lalə Beydullayeva çıxış ediblər.
Çıxışlarda qeyd olunub ki, Ümummilli Lider Heydər Əliyevin davamçısı Prezident İlham Əliyevin rəhbərliyi ilə həyata keçirilən siyasət nəticəsində Azərbaycan gündən-günə inkişaf edir, yeni nailiyyətlərə imza atır. Məhz bunun nəticəsidir ki, Prezident İlham Əliyevin siyasəti xalq tərəfindən birmənalı şəkildə dəstəklənir.
Natiqlər seçiciləri fevralın 7-də keçiriləcək prezident seçkilərində fəallıq göstərməyə və tarixə adını qızıl hərflərlə yazdıran qalib Liderə səs verməyə çağırıblar.
Görüş zamanı çıxış edən seçicilər cənab İlham Əliyevin prezident seçkilərində alternativinin olmadığını bildiriblər.
