Seçki-2024
Möhtəşəm Zəfər cənab İlham Əliyevin fəth etdiyi ali zirvədir
Xaçmaz rayonunda ilk dəfə səs verəcək seçicilərlə görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar YAP tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 15-də Xaçmaz rayonunda ilk dəfə səs verəcək gənc seçicilərlə görüş keçirilib.
Görüşdə YAP Xaçmaz rayon təşkilatının sədri Məhəmməd Balaqadaşov, təşviqat qrupunun üzvləri Nazim Ağayev, Yetkin Mehmanov, Esmira Babayeva, Vüsal İskəndərov, Qəhrəman Qasımov və başqaları çıxış ediblər.
Çıxışlarda qeyd olunub ki, YAP prezident seçkilərinə “Qalib xalqın qalib Lideri” şüarı ilə gedir. Bildirilib ki, Azərbaycan xalqı bu gün çoxəsrlik tarixi inkişaf yolumuzda özünün ən şərəfli dövrünü yaşayır. İkinci Qarabağ müharibəsində Müzəffər Ali Baş Komandan İlham Əliyevin “Dəmir yumruğu ilə qazandığı böyük Zəfər çoxərslik Azərbaycan tarixinin təkrarı olmayan nadir hadisəsidir. Müstəqil ölkəmizin ərazi bütövlüyünün və suverenliyinin tam şəkildə təmin olunması cənab İlham Əliyevin fəth etdiyi ali zirvədir. Torpaqlarımız məhz vətənpərvər ruhda yetişmiş Azərbaycan gənclərinin, hərbçilərin canı, qanı hesabına işğaldan azad olunub. Bu fakt gənclərimizin Vətən uğrunda böyük fədakarlığının göstəricisidir.
Görüş zamanı çıxış edən seçicilər fevralın 7-də seçki məntəqələrinə gələrək qalib Lider, gənclərin dostu, xalqımıza Zəfər sevincini yaşadan Müzəffər Ali Baş Komandan İlham Əliyevə səs verəcəklərini bildiriblər.
Xaçmaz rayonunun Qımılqışlaq kəndində də seçicilərlə görüş keçirilib. Görüşdə iştirak edən YAP Xaçmaz rayon təşkilatının sədri Məhəmməd Balaqadaşov, təşviqat qrupunun üzvləri Nazim Ağayev, Arif Əşrəfov, Abasyar Heydərov, şəhid anası Bibixanım Mirzəməmmədova və başqaları seçiciləri yeni dövrdə qarşıya qoyulan hədəflərə nail olmaq üçün qalib xalqın qalib Lideri İlham Əliyevə səs verməyə çağırıblar.
