Seçki-2024
Növbəti qələbələrə doğru
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Qazax rayonunun Qazax bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Əvvəlcə Ümummilli Lider Heydər Əliyevin və ölkəmizin ərazi bütövlüyü və suverenliyi uğrunda canlarını qurban vermiş şəhidlərimizin əziz xatirəsi ehtiramla yad edilib.
YAP Qazax rayon təşkilatının sədri Anar Nəbiyev Yeni Azərbaycan Partiyasının ötən seçkilərdə olduğu kimi qarşıdan gələn bələdiyyə seçkilərinə də böyük qələbə əzmi ilə qatıldığını bildirib, seçiciləri Yeni Azərbaycan Partiyasının namizədlərini dəstəkləməyə çağırıb.
Çıxış edən seçki qərargahının üzvləri Məmməd Yusifov, Bəsdi Ələkbərova, Elxan Abdullayev, Ceyhunə Hüseynova, Müqabil Məmmədov, Fərhad Qocamanov, Pəri İbrahimova, Cavanşir Rüstəm, partiyanın namizədləri Vüsal İsmayılov, Elçin Nəsibov, Mikayıl Məmmədov və digərləri çıxış edərək bələdiyyələr tərəfindən görülən işlər, həyata keçirilən tədbirlər barədə ətraflı məlumat veriblər.
YAP-ın namizədləri söz veriblər ki, onlara göstərilən etimadı əməli işləri ilə doğruldacaqlar.
Görüş zamanı seçicilərdən Əziz Məmmədov, Qasım Əliyev, Elçin Məmmədov, Samir Fərzəliyev, İradə Həsənova və başqaları çıxış edərək Yeni Azərbaycan Partiyasının siyasətini dəstəklədiklərini və bələdiyyə seçkilərində partiyanın namizədlərinə səs verəcəklərini vurğulayıblar.
