Xəbərlər
Qusarda Ulu Öndərin xatirəsi ehtiramla anılıb
Yeni Azərbaycan Partiyası (YAP) Qusar rayon təşkilatı və Qusar Rayon İcra Hakimiyyəti tərəfindən Ümummilli Lider Heydər Əliyevin anım günü ilə bağlı tədbir keçirilib.
Tədbir iştirakçıları əvvəlcə müasir müstəqil Azərbaycan dövlətinin qurucusu və memarı Ulu Öndər Heydər Əliyevin abidəsini ziyarət edərək önünə gül dəstələri düzüblər.
Daha sonra rayon Heydər Əliyev Mərkəzi ziyarət olunub.
Mərkəzin iclas zalında davam edən tədbirdə Ulu Öndər Heydər Əliyevin və Azərbaycanın ərazi bütövlüyü uğrunda canlarını fəda etmiş şəhidlərin xatirəsi bir dəqiqəlik sükutla yad edilib.
Tədbirdə çıxış edən Qusar Rayon İcra Hakimiyyətinin başçısı Sahir Məmmədxanov, YAP Qusar rayon təşkilatının sədri David İbramxəlilov Ümummilli Lider Heydər Əliyevin xalqımız qarşısında tarixi xidmətlərindən danışıb, Ulu Öndərin Azərbaycanın dövlətçilik tarixində müasir dövlət idarəçiliyinin və azərbaycançılıq ideologiyasının banisi kimi önəmli yeri olduğunu deyiblər.
Çıxışlarda qeyd olunub ki, hər zaman azərbaycanlı olması ilə fəxr edən Ümummilli Lider Heydər Əliyevin ruhu şaddır. Çünki Ulu Öndərin xilaskarı olduğu müstəqil Azərbaycanın ərazi bütövlüyü və suverenliyi bərpa edilib.
