Xəbərlər
Müdafiə Nazirliyinin rəhbərliyi Fəxri xiyabanda ümummilli lider Heydər Əliyevin məzarını və Şəhidlər xiyabanını ziyarət edib
Silahlı Qüvvələr Günü münasibətilə müdafiə naziri, general-polkovnik Zakir Həsənovun başçılığı ilə nazirliyin rəhbərliyi və şəxsi heyəti iyunun 26-da Fəxri xiyabana gələrək ümummilli lider Heydər Əliyevin məzarını ziyarət edib.
Müdafiə Nazirliyinin mətbuat xidmətindən bildiriblər ki, xalqımızın ümummilli lideri Heydər Əliyevin abidəsi önünə və görkəmli oftalmoloq alim, akademik Zərifə xanım Əliyevanın məzarı üzərinə gül dəstələri düzülüb, xatirələri hörmət və ehtiramla yad edilib.
Sonra Müdafiə Nazirliyinin şəxsi heyəti Şəhidlər xiyabanını ziyarət edib, Vətənimizin suverenliyi və ərazi bütövlüyü uğrunda gedən döyüşlərdə həlak olmuş şəhidlərimizin məzarları üzərinə və onların xatirəsinə ucaldılmış “Əbədi məşəl” abidəsinin önünə gül dəstələri düzüb.
