Xəbərlər
Mikayıl Cabbarov: Son 11 il ərzində Azərbaycanda 3000-ə yaxın ümumtəhsil müəssisəsi tikilib və ya əsaslı təmir olunub
2015-ci ildə 92 təhsil müəssisəsi üçün yeni binanın tikintisi, 64 təhsil müəssisəsinin binasının əsaslı təmir olunması nəzərdə tutulur. Bu barədə təhsil naziri Mikayıl Cabbarov bildirib.
M.Cabbarov qeyd edib ki, bu il ərzində 50 təhsil müəssisəsində cari təmir işlərinin aparılması nəzərdə tutulub. Onun sözlərinə görə, ümumilikdə son 11 il ərzində Azərbaycanda 3000-ə yaxın ümumtəhsil müəssisəsi tikilib və ya əsaslı təmir olunub.
«Müqayisə üçün qeyd edək ki, ərazisinə və iqtisadi imkanlarına görə Azərbaycandan üstün olan, sürətlə inkişaf edən Qazaxıstanda isə bu dövrdə 700 məktəb inşa olunub»- deyə, nazir vurğulayıb.