Xəbərlər
Bağdad Amreyev: Son dövrlərdə türkdilli ölkələr böyük nailiyyətlərə imza atıblar
Son dövrlərdə türkdilli ölkələr böyük nailiyyətlərə imza atıblar. Ötən ay Budapeştdə Avropa ofisimizin açılışını etdik. Lakin bu da Türk Şurasının qazandığı uğurların hamısı deyil.
Bu sözləri Türkdilli Dövlətlərin Əməkdaşlıq Şurasının Baş katibi Bağdad Amreyev oktyabrın 15-də Şuranın Bakıda keçirilən VII Zirvə Görüşünün yekunlarına dair mətbuat konfransında deyib.
Bağdad Amreyev qeyd edib ki, bugünkü tədbir türkdilli xalqlar arasında münasibətlərin dərinləşməsi istiqamətində böyük addımdır. Gələcəkdə də qardaş xalqlar arasında qarşılıqlı əlaqələrin davam etdirilməsi önəmlidir.