Xəbərlər
Əbülfəs Qarayev: Qobustan Avropanın ən yaxşı muzeyləri sırasına daxil olub
Keçən il Qobustan Milli Tarix Bədii Qoruğuna təxminən 100 minə yaxın insan ziyarət edib.
Bunu jurnalistlərə açıqlamasında mədəniyyət və turizm naziri Əbülfəs Qarayev deyib.
Onun sözlərinə görə, Qobustana gələn turistlərin sayı ötən dövrlərə nisbətən xeyli çoxalıb:
"Bu gün paleolit dövründən qalan qayaların üzərində yazılan yazılar, rəsmlər dünyada çox nadir hallarda tapılır. Dünyada bu cür məkanların şəbəkəsi mövcuddur. Azərbaycan artıq Qobustanla bu şəbəkəyə daxil olaraq bütün dünyaya nümayiş etdirir ki, bəşəriyyətin ilk məkanları olan torpaq, yer Azərbaycanda yerləşir".
Nazir əlavə edib ki, bütün turist şirkətləri Qobustana səfəri öz turizm paketlərinə daxil edirlər.
Ə.Qarayev deyib ki, Qobustan muzeyi Avropanın ən yaxşı muzeyləri sırasına daxil olub.