Xəbərlər
Oğuz rayonunda Ulu Öndər Heydər Əliyevin anadan olmasının 101-ci ildönümü qeyd olunub
Oğuz rayonunda Yeni Azərbaycan Partiyası (YAP) Oğuz rayon təşkilatı və Oğuz Rayon İcra Hakimiyyətinin birgə təşkilatçılığı ilə Ümummilli Lider Heydər Əliyevin anadan olmasının 101-ci ildönümü münasibətilə tədbir keçirilib.
Tədbirdə Dövlət Himni səsləndirilib. Ulu Öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
YAP Oğuz rayon təşkilatının sədri Saleh Məhərrəmov, Şəki-Zaqatala Regional Təhsil İdarəsinin Oğuz rayon üzrə təhsil sektorunun müdiri Sərdar Nəbiyev, Oğuz rayon Heydər Əliyev Mərkəzinin direktoru Mehriban Abbasova, Şəki-Zaqatala Regional Gənclər İdman İdarəsinin Oğuz rayon üzrə Gənclər və idman sektorunun müdiri Şaiq Rüstəmov və digərlərinin çıxışlarında ölkəmizi məhv olmaq təhlükəsindən qurtararaq inkişaf yoluna çıxarmış Ümummilli Lider Heydər Əliyevin xalqımız qarşısındakı müstəsna xidmətlərində bəhs edilib. Diqqətə çatdırlıb ki, Ulu Öndər Heydər Əliyevin xilaskarlıq missiyasının, müstəqil dövlət quruculuğu prosesinin həyata keçirilməsində azərbaycançılıq məfkurəsinin, milli-mənəvi dəyərlərin gücləndirilməsinin həlledici rol oynayıb. Ümummilli Lider Heydər Əliyevin siyasi fəaliyyəti Azərbaycan xalqının rəmzinə, onun həyat yolu isə Vətənə sədaqət və məhəbbətin nümunəsinə çevrilib. Vurğulanıb ki, siyasi müdrikliyi, məqsədyönlü siyasi strategiyası ilə dövlətimizin və xalqımızın gələcək inkişafının uğurlu bünövrəsini qoymuş Ulu Öndər Heydər Əliyev siyasətini uğurla davam və inkişaf etdirən Müzəffər Ali Baş Komandan İlham Əliyev adını tarixə qızıl hərflərlə yazmış güclü liderdir. Ümummilli Lider Heydər Əliyevin layiqli davamçısı Prezident İlham Əliyevin uğurlu siyasəti nəticəsində bu gün ölkəmiz yalnız regionun deyil, dünyanın ən güclü dövlətlərindən birinə çevrilib.
Sonda Ümumilli Lider Heydər Əliyevin anadan olmasının 101-ci ildönümü münasibətilə rayonda keçirilən idman və intellektual yarışların qaliblərinə mükafat və fəxri fərmanlar, partiya sıralarına yeni qəbul olunan bir qrup şəxsə isə üzvlük vəsiqələri təqdim olunub.
