Xəbərlər
“Heydər Əliyev - elm və təhsilin hamisi”
Yeni Azərbaycan Partiyası (YAP) Abşeron rayon təşkilatı Xırdalan 41 saylı (Bakı Dövlət Universitetinin nəzdində İqtisadiyyat və Humanitar Kolleci) ərazi partiya təşkilatında “Ümummilli Lider Heydər Əliyevin anadan olmasının 101-ci ildönümünə həsr olunan “Heydər Əliyev - elm və təhsilin hamisi” adlı tədbir keçirib.
Tədbirdə Dövlət Himni səsləndirilib, Ulu Öndər Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad olunub.
Xırdalan 41 saylı ərazi partiya təşkilatının sədri Səhər Orucova, YAP Abşeron rayon təşkilatının sədri Abbas Əliyev və digərlərinin çıxışlarında Ulu Öndərin şərəfli və mənalı ömür yolundan, müstəqilliyimizin qorunub saxlanılması, milli dövlətçilik ənənələrinin yaranması və inkişafında, demokratik cəmiyyətin formalaşmasında müstəsna xidmətlərindən bəhs edilib. Diqqətə çatdırılıb ki, Ulu Öndər Heydər Əliyev daim elm və təhsil sahəsinə xüsusi diqqət göstərib. Qeyd olunub ki, Ulu Öndər Heydər Əliyevin təhsil sahəsi ilə bağlı imzaladığı mühüm fərman və sərəncamlar bu sahənin inkişafında xüsusi rol oynayıb. Vurğulanıb ki, Ulu Öndər Heydər Əliyevin siyasi kursu Onun layiqli siyasi varisi Prezident İlham Əliyev tərəfindən uğurla davam etdirilir. Məhz bunun nəticəsidir ki, bu gün Azərbaycan ərazi bütövlüyünü və suverenliyini tam bərpa etmiş, dünyada sayılıb-seçilən müstəqil dövlətdir.
Sonda Bakı Dövlət Universitetinin nəzdində İqtisadiyyat və Humanitar Kollecinin birinci kurs tələbəsi Xatun Təsəlliyeva Ümummilli Lider Heydər Əliyevə həsr olunmuş şeir səsləndirib.
