Xəbərlər
Hədəfə doğru...
Qax rayonunda seçicilərlə görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 23-də Qax rayonunun Qum, Çinarlı, Fıstıqlı, Süskənd, Güllük, Qapıçay kəndlərində seçicilərlə görüş keçirilib.
Əvvəlcə Azərbaycan Respublikasının Dövlət Himni səsləndirilib. Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.
Görüşdə YAP Qax rayon təşkilatının sədri Natiq Allahverdiyev, müharibə veteranı Qamət Hacıyev, təşviqat qrupunun üzvləri Nəsimi Xudeynatov, Əlövsət Bayramov, Mithat Sayadov, Cəmil Mirzəyev çıxış ediblər.
Çıxışlarda bildirilib ki, son 20 ildə Ulu Öndər Heydər Əliyevin miras qoyduğu uğurlu siyasəti layiqincə davam etdirən Prezident İlham Əliyev adını doğma torpaqlarımızın xilaskarı kimi tariximizə əbədi həkk etdirib.
44 günlük Vətən müharibəsində qazandığımız böyük Zəfər, torpaqlarımızın işğaldan azad edilməsi Prezident, Müzəffər Ali Baş Komandan İlham Əliyevin yürütdüyü siyasətin və tariximizin ən böyük, misilsiz qələbəsidir.
Kənd sakinləri fevralın 7-də seçki məntəqələrinə gedərək xalqa Qələbə sevinci yaşadan Liderə səs verəcəklərini deyiblər.
Sonda Yeni Azərbaycan Partiyasının Himni səsləndirilib.
