Xəbərlər
Vətən müharibəsində qazandığımız qələbə qəhrəmanlıq səhifəmizdir
Azər Badamov
YAP İdarə Heyətinin üzvü, Milli Məclisin deputatı
Son 200 illik tarixdə ermənilər azərbaycanlıları yaşadıqları torpaqlardan sıxışdırıb çıxartmış və özlərinə dövlət yaradaraq ərazilərinin genişləndirilməsinə nail olmuşdur. Ermənilər əsasən havadarların dətəyi ilə Azərbaycan torpaqlarının müəyyən hissəsinin ələ keçirilməsinə nail ola bilmişdir. Həm də zaman -zaman soyqırımlar törətməklə azərbaycanlıları öz ata yurdlarından məcburi şəkildə köçürülməsinə nail ola bilmişdir. Son yeni tariximizdə Qərbi Azərbaycanda yaşayan 300 min soydaşımız illər ərzində qurduğu ata yurdlarını qoyaraq Azərbaycana qaçmağına məcbur edilmiş, ərazilərimizin 20%-ni işğal etməklə 700 min vətəndaşımızın ölkə daxilində qaçğın olmasına nail ola bilmişdir. Xocalı, Başlıbel, Ağdaban və Bağanis ayrım soyqırımları erməninin iç üzünü açıb göstərən tarximizin qanlı səhifələri kimi yaddaşlarımıza həkk olunmuşdur. Azərbaycan 30 ildə torpaqlarının işğaldan azad olunması və məcburi köçkünlərin öz yurdlarına qaytarılması ilə bağlı beynəlxalq hüququn bərqərar olunması üçün səbr nümayiş etdirdi. BMT TŞ-nın qətnamələrinin icra olunması üçün beynəlxalq kürsülərdən dünya ictimaiyyəti Ermənistana təzyiq göstərilməsi ilə bağlı çağırışlar etdi. Hətta, Azərbaycan xalqın işğalla heç vaxt barışmayacağını və əgər danışıqlar yoilu ilə torpaqlarımızda erməni işağlına son qoyulmazsa, hərb yolu ilə öz gücümüzlə bunu edəcəyini dəfələrlə bəyan etdik. Təəssüflər olsun ki, beynəlxalq ictimaiyyət ancaq qətnamələr qəbul etməklə kifayətləndi və münaqişəni dinc yolla həll edilməsi üçün BMT-dən mandat almış ATƏT-in Mİnsk Qrupu torpaqlarımızın erməni işğalını əbədiləşdirilməsinə çalışdı. Cənab İlham Əliyev Prezident seçildiyi ilk gündən ordu quruculuğuna xüsusi diqqət göstərdi və bu, Silahlı Qüvvələrimizin inkişafında və güclənməsində yeni səhifə açdı. 2016-cı il aprel döyüşləri, 2018-ci il Günnüt əməliyyatı və 2020-ci ilin Tovuz təxribatlarının qarşısı alınanda Müzəffər Ordumuzu düşmənə öz gücümüzü qismən nümayiş etdirmişdi və bu, Ermənistan üçün bir mesaj idi. Təəsüf ki, Ermənistan rəhbərliyi mesajlarımızdan nəticə çıxartmadı və 27 sentyabr 2020-ci ildə yenidən geniş miqyaslı təxribata əl atdı. Hətta Ermənistanın məqəsdi yeni ərazilər uğrunda yeni müharibə şüarı ilə Azərbaycanla müharibə aparmaq və yeni ərazilərimizi işğal etmək idi. Ali Baş Komandanın çağırışına yekdilliklə qoşulan xalqımız ordumuzla həmrəylik nümayiş etdirərərk Dəmir Yumruqa çevrildi. Ermənilərin 30 illik işğal dövründə qurduqları müdafiə sədlərini yüksək pəşəkarlıqla aşan Müzəffər Ordumuz 44 gündə torpaqlarımızın erməni işğalına son qoydurdu və 10 noyabrda imzaılanmış Üçtərəfli Bəyanatla Ermənistanın məğlubiyyəti təsdiq olundu. Azərbaycan son 200 illik tarixində ilk dəfə olaraq öz torpaqlarını döyüş meydanında işğaldan azad etdi. Təbii ki, 44 günılük Vətən müharibəsində qazandığımız qələbə qəhrəmanlıq səhifəmizdir. Bu qələbə xalqımıza böyük qürur yaşatdı və Azərbaycana bütün dünyada qalib ölkə imicini formalaşdırdı. 44 günlük Vətən müharibəsində təmin etdiyimiz qələbə dünyanın Azərbaycana qarşı baxışlarını dəyişdi. Müzəffər Ordumuzun şücayəti və göstərdikləri peşəkar döyüş strategiyası dünyanın inkişaf etmiş ölkələri öz ordularına yenidən baxılmasını aktullaşdırdı və təcrübəmizi hərbi kadrların hazırlanmasında tədrisə daxil etdilər. Beləliklə bu qüruru bizə yaşadan xalqımızın vətənpərvər igid oğulları olmuşdur. Təəssüf ki, Vətən müharibəsində biz də 2907 nəfər şəhid verdik, 7 nəfər itkin düşdü və mindən çox əsgər yaralandı. Prezident İlham Əliyev bütün şəhid ailələri, və qazilərə xüsusi diqqətlə yanaşır. Bu kateqoriyadan olan insanlar dövlət qayğısı ilə əhatə olunmuş, onların sosial-məişət problemlərinin həll olunmasına çalışır.
Vətən müharibəsində qəhrəmancasına döyüşmüş, Azərbaycan Bayrağını işğaldan azad edilən torpaqlarımızda dalğalandırmış, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq Prezident İlham Əliyev 27 sentyabr – Vətən müharibəsinin başladığı günün Azərbaycan Respublikasında Anım Günü kimi qeyd olunması ilə bağlı 2020-ci 2 dekabr tarixində Sərəncam imzalamışdır. Prezident İlham Əliyevin bu addımı şəhid ruhlarına, şəhidlərin doğmalarına ali ehtiramın göstəricisidir. Hər il 27 sentyabrda xalqımız ümumxalq mərasimlərə qatılmaqla şəhidlərimizə hörmət və ehtiramını bildirərək xatirəsini bir daha yad edəcəkdir. Allah bütün şəhidlərimizə rəhmət eləsin, qazilərimizi isə öz sağlamlıqlarına qovuşdursun.