Xəbərlər
YAP Tərtər rayon təşkilatı ərazi partiya təşkilatlarında hesabat-seçki yığıncaqları keçirilib
Yeni Azərbaycan Partiyası Tərtər rayon təşkilatı Azadqaraqoyunlu, Köçərli, Soyulan, Mamırlı ərazi partiya təşkilatlarında hesabat-seçki yığıncaqları keçirilib.
Əvvəlcə ümummilli lider Heydər Əliyevin və Vətən müharibəsi şəhidlərinin əziz xatirəsi bir dəqiqəlik sükutla yad edildib.
Sonra ərazi partiya təşkilatlarının hesabat dövrü ərzindəki fəaliyyətləri barədə hesabat məruzələri dinlənilib. Məruzə ətrafında çıxış edənlər ərazi partiya təşkilatlarının hesabat dövrü ərzindəki fəaliyyətlərini qənaətbəxş qiymətləndiriblər.
İclaslarda təşkilati məsələlərə də baxılıb. Köçərli ərazi partiya təşkilatına Mübariz Yunusov sədr, İlkin Abbasov sədr müavini, Azadqaraqoyunlu ərazi partiya təşkilatına Nazim Xəlilov sədr, Tapdıq Abbasov sədr müavini, Soyulan ərazi partiya təşkilatına Tofiq Ələkbərov sədr, Səbiyyə İsmayılova sədr müavini, Mamırlı ərazi partiya təşkilatına Seymur Məmmədov sədr, Elşən Quliyev sədr müavini seçiliblər.
YAP Tərtər rayon təşkilatının sədri Eldar Əsədov yeni seçilən sədr və sədr müavinlərini təbrik edərək işlərində uğurlar arzulayıb, partiya üzvlərini partiyanın fəaliyyətində daha da yaxından iştirak etməyə çağırıb.
