Xəbərlər
İranın gənclər və idman naziri Bakıya gəlir
İranın gənclər və idman naziri Mahmud Qudərzi bazar ertəsi Azərbaycana səfər edəcək. Bunu Trend-ə İranın Azərbaycandakı səfirliyinin mətbuat katibi Məhəmməd Ayətullahi deyib.
Onun sözlərinə görə, M.Qudərzi 28-30 oktyabrda Bakıda keçiriləcək Gənclər Siyasəti üzrə I Qlobal Forum da iştirak etmək üçün Azərbaycana səfərə gəlir.
M.Ayətullahi bildirib ki, iranlı nazir, həmçinin azərbaycanlı həmkarı ilə ikitərəfli əlaqələrin inkişafı üzrə müzakirələr aparacaq.