Xəbərlər
Nizami Cəfərov: Regionda əməkdaşlığın gücləndirilməsi baxımından belə görüşlər vacibdir
«Azərbaycan, Türkiyə və Gürcüstanın xarici işlər nazirlərinin bugünlərdə keçirilən üçtərəfli görüşü böyük əhəmiyyət kəsb edir». Bu fikri Azərbaycanda Atatürk Mərkəzinin rəhbəri, Milli Məclisin deputatı Nizami Cəfərov deyib.
N.Cəfərov bildirib ki, nazirlərin görüşündə ciddi məsələlər müzakirə olunub. Onun sözlərinə görə, regionda əməkdaşlığın gücləndirilməsi baxımından belə görüşlər vacibdir.
«Görüşdə Ermənistanın işğalçılıq siyasəti də diqqət mərkəzində olub. Çünki ermənilər hər üç ölkəyə qarşı iddialarla çıxış edir. Bu məsələnin də diqqət mərkəzində olması çox müsbət haldır. Əslində, üç ölkənin XİN rəhbərlərinin görüşü və bunun gələcəkdə də davamlı olması işğalçı Ermənistan üçün xəbərdarlıq olmalıdır. Yəni erməni tərəfi bölgədə sabitlik və təhlükəsizliyə hər hansı bir yeni təhdidlər yaradarsa bu onlar üçün yaxşı nəticə verməyək»- deyə, N.Cəfərov vurğulayıb.