Xəbərlər
Cəlilabadda YAP-ın yaradılmasının 33-cü ildönümü qeyd olunub
Yeni Azərbaycan Partiyasının təsis edilməsinin 33-cü ildönümü ilə əlaqədar YAP Cəlilabad rayon təşkilatında tədbir keçirilib.
Tədbir iştirakçıları Ulu Öndərin Cəlilabad şəhərinin mərkəzi parkında ucaldılmış abidəsini ziyarət edib, abidənin önünə gül dəstələri düzüblər.
Tədbirdə Ulu Öndər Heydər Əliyevin və Azərbaycanın ərazi bütövlüyü və suverenliyi uğrunda canlarını qurban vermiş şəhidlərin əziz xatirəsi bir dəqiqəlik sükutla anılıb.
Daha sonra YAP Cəlilabad rayon təşkilatının sədri Mirsüleyman Mirxaslı, rayon təşkilatının fəalları Yeganə Rzayeva, Rafiq Hüseynov, Əlişirin Teymurov, partiya veteranları İsmayıl Quliyev, Ədalət Əsgərov, Fərqanə Məmmədova və digərləri çıxış ediblər.
Çıxış edənlər Yeni Azərbaycan Partiyasının yarandığı mürəkkəb tarixi-siyasi şəraitdən, keçdiyi çətin və şərəfli yoldan danışıblar. Bildirilib ki, YAP Ümummilli Lider Heydər Əliyevin ideyaları əsasında ölkənin ictimai-siyasi həyatında fəal iştirak edib, dövlətçiliyin möhkəmlənməsinə və Azərbaycanın dinamik inkişafına mühüm töhfələr verib. Bu gün də Yeni Azərbaycan Partiyası Prezident İlham Əliyevin rəhbərliyi ilə böyük uğurlara imza atmaqdadır.
