YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Zərifə xanım Əliyevanın həyat yolu nümunədir

YAP Xaçmaz rayon təşkilatının və  Rayon Mərkəzi Xəstəxanasının  birgə təşkilatçılığı ilə tanınmış oftalmoloq-alim, akademik  Zərifə xanım Əliyevanın anadan olmasının  100 illiyinə həsr olunmuş elmi-praktik  konfrans keçirilib.

Zərifə xanım Əliyevanın mənalı ömür yolunu və zəngin elmi yaradıcılığını əks etdirən videoçarxın nümayişindən sonra konfransı giriş sözü ilə açan  Xaçmaz Rayon Mərkəzi Xəstəxanası Publik Hüquqi şəxsin direktoru, Əməkdar həkim Səyyaf Tağıyev akademikin  tibb elminə gətirdiyi yeniliklərdən, gənc kadrların yetişdirilməsinə töhfələrindən geniş bəhs edib.

Həkim Mahirə Kərimova "Gözəl alim, qayğıkeş insan" mövzusunda məruzə ilə çıxış edib. Bildirib ki, əməlləri ilə insanlığın zirvəsinə ucalan Zərifə xanım Əliyeva mərhəməti, xeyirxahlığı və vətənpərvərliyi fəaliyyətinin əsas prinsipi kimi qəbul etmişdir. Onu sevdirən, daim xatirələrdə yaşamasını şərtləndirən əsas amil də məhz bu ali dəyərləri qoruması, gənc nəslin bu ruhda tərbiyə edilməsinə çağırışları və real addımları olmuşdur.

Həkim Əmir Əsədov isə Zərifə xanım Əliyeva ilə bağlı xatirələrini tədbir  iştirakçıları ilə bölüşüb. İllərin izləri əsasında Zərifə xanımın portretini təqdim edən Ə.Əsədov bildirib ki, akademikin həyat yolu nümunədir.

Konfransda çıxış edən  YAP Xaçmaz rayon təşkilatının sədri Məhəmməd Balaqadasov vurğulayıb ki,  ən yüksək keyfiyyətlər - səmimilik, alicənablıq, qayğıkeşlik, xalqına və Vətəninə sönməz məhəbbət Zərifə xanım Əliyevaya xas xüsusiyyətlər idi. Onun  oftalmologiya elminə verdiyi töhfələri bu gün də aktuallığını qoruyur,   həyatı və fəaliyyəti dərin hörmətlə yad edilir.

Sonda YAP sıralarına yeni daxil olmuş bir qrup gəncə partiya vəsiqəsi təqdim olunub.