Xəbərlər
Hökumət iqlim dəyişikliyi və onun təsirlərini müzakirə edib
Dekabrın 21-də Azərbaycan Respublikasının Baş naziri Əli Əsədovun sədrliyi ilə iqlim dəyişikliklərinin yaratdığı fəsadlar, dəyişikliklərə adaptasiya və təsirlərinin azaldılması məsələlərinə həsr olunmuş iclas keçirilib.
Nazirlər Kabinetinin mətbuat xidmətindən bildiriblər ki, iclasda hökumət üzvləri, bəzi şəhər və rayonların icra başçıları iştirak ediblər.
Tədbirdə iqlim dəyişiklikləri ilə bağlı Azərbaycanın qoşulduğu beynəlxalq konvensiyalarla üzərinə götürdüyü öhdəliklər, qlobal iqlim dəyişikliklərinin yaratdığı problemlər və onların təsirlərinin azaldılması istiqamətində görülən işlərin genişləndirilməsinin vacibliyi qeyd edilib.
İqlim dəyişikliyinin kənd təsərrüfatına, sosial sahəyə təsiri, təbii fəlakətlər və onların qarşısının alınması, təbii ehtiyatlardan səmərəli istifadəyə dair məruzələr dinlənilib və müvafiq tapşırıqlar verilib.
