Xəbərlər
İran parlamentinin Azərbaycan ilə dostluq qrupu Xocalı faciəsi ilə bağlı bəyanat yayıb
İran İslam Şurası Məclisinin (parlamentin) Azərbaycan Respublikası Milli Məclisi ilə işçi qrupu Xocalı soyqırıminin 29-cu ildönümü ilə əlaqədar bəyanat yayıb.
Bəyanatda Xocalıda törədilmiş soyqırımı aktı pislənib. Bəyanatda deyilir: İslam inqilabının hədəflərini, Ali Rəhbərin ədalət və insanların ləyaqəti önündə ehtiramla durmağı prioritet bilən təlimatlarını bir daha vurğulamağı zəruri hesab edir. Bəyan edir ki, bu dostluq qrupu daima “ölkələrin ərazi bütövlüyü” kimi vacib elementlər və komponentlərə vurğu edir. Qonşuların, xüsusilə də dost və qardaş ölkə olan Azərbaycan Respublikasının ərazi bütövlüyü dəstəkləyir. Həmçinin “işğal”a və dünyanın istənilən yerində şəhərlərə və yaşayış məskənlərinə hərbi hücuma qarşı olduğumuzu bəyan edir. Qarabağın işğalı dövründə Xocalı hadisəsinin qurbanlarının yaxınlarının kədərinə şərik olduğumuzu bildiririk”.