Xəbərlər
BMT-nin baş qərargahının binası qarşısında Ermənistanın Azərbaycana qarşı təcavüzü ilə bağlı etiraz aksiyası keçirilib
ABŞ-ın Nyu-York şəhərində yerləşən Birləşmiş Millətlər Təşkilatının (BMT) baş qərargahının binası qarşısında Ermənistanın Azərbaycana qarşı təcavüzü, Yerevanın işğalçı siyasəti və Gəncə hadisələri ilə bağlı etiraz və Azərbaycan Ordusuna dəstək aksiyası keçirilib.
Azərbaycan Nyu-York Assosiasiyasının təşkilatçılığı ilə keçirilən aksiyada Nyu-York, Nyu-Cersi, Massaçusets, Meyn ştatalarının və Vaşinqton şəhərinin Azərbaycan və Türk icmalarının üzvləri iştirak ediblər.
Aksiya zamanı icma üzvləri Qarabağın Azərbaycan torpağı olduğunu qeyd ediblər, BMT-yə üzv dövlətləri bu BMT Təhlükəsizlik Şurasının 822, 853, 874 və 884 nömrəli qətnamələrinin Ermənistan tərəfindən yerinə yetirilməsinə dair rəsmi Yerevana təzyiq göstərməyə çağırıblar.
Aksiya iştirakçıları işğal altında olan torpaqların “mübahisəli” deyil, beynəlxalq səviyyədə tanınmış əzəli Azərbaycan torpaqları olduğunu qeyd ediblər. Aksiya zamanı, həmçinin Ermənistan silahlı qüvvələrinin Gəncəyə və digər yaşayış məntəqələrinə ballistik raket zərbələri haqqında məlumat verilib.