YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Fransanın “Ouest-France” qəzetində Heydər Əliyev Fondunun xeyirxahlıq missiyasından bəhs edən məqalə dərc olunmuşdur

Fransanın “Ouest-France” qəzetində Heydər Əliyev Fondunun istər Azərbaycanda, istərsə də dünyanın bir çox başqa ölkələrində həyata keçirdiyi xeyirxahlıq missiyasından bəhs edən məqalə dərc olunmuşdur.

Senator Natali Qulenin fikirlərinə istinad olunan məqalədə Azərbaycanın birinci xanımı, Heydər Əliyev Fondunun prezidenti Mehriban Əliyevanın doğma Vətənində təhsilə və səhiyyəyə xüsusi qayğı göstərdiyi, Fond tərəfindən yeni məktəb və xəstəxana binalarının inşa edildiyi, bir çox xarici ölkələrdə xeyirxahlıq missiyası həyata keçirildiyi qeyd olunur. Fondun Vatikan kitabxanasında kitabların kataloqunun tərtib edilməsində, Strasburqdakı ən qədim katedralın freskasının təmirində yaxından iştirak etdiyi, Orn departamentində onlarla tarixi abidənin bərpasına yardım göstərdiyi vurğulanır.

Məqalədə demokratik yolla gedən Azərbaycanın tolerant və dünyəvi ölkə olduğu, burada bir çox xalqların, o cümlədən yəhudilərin və xristianların ölkənin bərabərhüquqlu vətəndaşları kimi yaşadıqları bildirilir.

Normandiya Regional İrs Fondunun məsul əməkdaşı Sandrin Hinault Orn departamentində Heydər Əliyev Fondunun yardımı ilə bərpa edilən beş kilsə haqqında sənədli film çəkiləcəyini diqqətə çatdırır və bu filmin Fond tərəfindən xeyirxahlıq missiyasının yerinə yetirildiyi ölkələrdə nümayiş olunacağını bildirir.