YENİ AZƏRBAYCAN PARTİYASI

Yeni Azərbaycan Partiyası dünənin, bu günün və gələcəyin partiyasıdır!
ÜZVLƏRİN SAYI : 0
BİZƏ YAZIN

Xəbərlər

Yeni Azərbaycan Partiyasının yaranmasının 23 illiyi münasibətilə təntənəli mərasim keçirildi

Noyabrın 21-də Yeni Azərbaycan Partiyasının yaranmasının 23 illiyi münasibətilə partiyanın Suraxanı rayon təşkilatının qərargahında təntənəli mərasim keçirildi.

Toplantıda Azərbaycan Respublikasının Baş nazirin müavini, Yeni Azərbaycan Partiyasının Sədr müavini – İcra katibi Əli Əhmədov çıxış edərək YAP-ın yaranması, keçdiyi böyük şərəfli yol və bu gün qazandığı möhtəşəm nailiyyətlərdən ətraflı bəhs etdi. Yeni Azərbaycan Partiyasının yaranma səbələrini və həmin dövrün ictimai-siyasi xarakterini izah edən Əli Əhmədov qeyd etmişdir ki, Azərbaycan 90-cı illərin əvvəllərində uçurum qarşısında idi. Belə bir vəziyyətdə Azərbaycanın xilası yolunu Ümummilli Lider Heydər Əliyevin yenidən hakimiyyətə qayıdışında görən ziyalılar Ulu öndəri rəhbərliyi altında Yeni Azərbaycan Partiyasının yaranması təşəbbüsünü irəli sürdülər. Qeyd edilmişdir ki, Ulu Öndər Heydər Əliyevin yenidən hakimiyyətə qayıdışı Azərbaycanı məhv olmaq təhlükəsindən xilas etdi. Çünki Ümummilli Lider Heydər Əliyev hakimiyyətə qayıtmasaydı Azərbaycanı çox ciddi milli fəlakətlərə çıxara bilərdi. 

Əli Əhmədov daha sonra qeyd etmişdir ki, Ulu Öndər Heydər Əliyev siyasətinin Azərbaycan Respublikasının Prezidenti cənab İlham Əliyev tərəfindən layiqincə davam etdilməsi YAP-ın sonrakı inkişafını şərtləndirən əsas amil olmuşdur. Qeyd olunmuşdur ki,  YAP-ın əldə etdiyi qələbələr Prezident İlham Əliyevin həyata keçirdiyi siyasətlə və bu siyasətə vətəndaşlarımızın münasibətinin yüksək olması ilə bilavasitə əlaqədardır.

Toplantıda daha sonra çıxış edənlər Yeni Azərbaycan Partiyasının 23 il ərzində keçdiyi şərəfli yola nəzər salmış, YAP-ın fəaliyyətinin hər bir Azərbaycan vətəndaşında qürurverici amil olduğunu qeyd etmişlər.

YAP-ın yaranmasının 23 illiyinə həsr olunmuş toplantının sonunda partiya həyatında fəallığı ilə seçilən bir qrup gəncə mükafatlar təqdim edilmiş, partiya sıralarına qoşulmuş gənc üzvlərə üzvlük vəsiqələri təqdim edilmişdir.

YAP İcra katibinin müavinləri Siyavuş Novruzov və Mübariz Qurbanlı toplantıda iştirk etmişlər.