Xəbərlər
YAP-la inkişafa doğru!
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində İmişli rayonu, Qaralar bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP İmişli rayon təşkilatının sədri Səfa Ağayev bildirib ki, Prezident İlham Əliyevin rəhbərliyi ilə həyata keçirilən çoxşaxəli islahatlar Azərbaycanın inkişafına mühüm töhfələr verir: “Dövlət başçısının siyasətinin təməlində dayanan amillərdən biri bütün sahələrdə sistemli və ardıcıl islahatların həyata keçirilməsidir. Bu islahatlar yalnız sosial-iqtisadi inkişafı deyil, həm də idarəetmə sisteminin təkmilləşməsini təmin edir”.
Çıxış edən seçki qərargahının üzvü Səlim Məhərrəmov, bələdiyyə üzvlüyünə namizədlər Daşqın Dədəkişiyev və Balakişi Balakiyev ölkəmizdə bələdiyyə islahatlarının yerli idarəetmənin daha şəffaf və səmərəli təşkil olunmasını təmin etmək məqsədi daşıdığını vurğulayıblar. Onlar seçiciləri qarşıdan gələn bələdiyyə seçkilərində YAP-ın namizədlərinə səs verməyə çağırıblar.
Qeyd edək ki, Qaralar və Cavadxanlı kəndlərində seçicilərlə məhəllə görüşləri də keçirilib.
