Xəbərlər
Böyük uğurlar və yeni hədəflər
Əlişah Rəcəbov
YAP Ağdaş rayon təşklatının sədri
Ölkəmizdə idmanın inkişafı üçün bir çox amillər vəhdət təşkil edir. Burada ilk növbədə dövlətin dəstəyini qeyd etmək lazımdır.
Dekabrın 24-də 2024-cü ilin idman yekunklarına həsr olunan mərasimdə çıxışı zamanı Prezident İlham Əliyev ölkə idmanına olan dövlət qayğısından geniş bəhs etdi. Dövlət başçısı vurğuladı ki, əgər idmançılara qayğı göstərilməsə, idman inkişaf edə bilməz. Həm idmançılar, həm də idman ictimaiyyətinin nümayəndələri, eyni zamanda, məşqçilər və digər idman mütəxəssisləri dövlət tərəfindən layiqincə qiymətləndirilir və bu da ədalətlidir.
Prezident İlham Əliyevin rəhbərliyi ilə ölkəmizin ərazi bütövlüyü və suverenliyi təmin edilib və xalqımız bununla qürur duyur. 2024-cü ilin idman yekunklarına həsr olunan mərasimdə çıxışı zamanı dövlətimizin başçısı qeyd etdi ki, hər yerdə - beynəlxalq münasibətlərdə, ailədə, hər bir ölkədə, hər bir cəmiyyətdə ədalət olmalıdır. Azərbaycan buna çalışır. Şanlı Qələbəmiz hər bir Azərbaycan gənci üçün əlavə ruhlandırma amili olacaq. Azərbaycan döyüş meydanındakı Zəfərinə idman qələbələrini də əlavə etdi və bu, əlbəttə ki, ölkəmizin beynəlxalq nüfuzunu daha da artırır. Çünki idmanın inkişafı hər bir ölkənin ümumi inkişafının nümayişidir, onu əks etdirir. Azərbaycan güclü dövlətdir, öz gücünə əsaslanan, öz yolu ilə gedən, heç kimin qarşısında heç bir öhdəliyi olmayan, heç kimin qabağında baş əyməyən, ləyaqətlə, vicdanla irəliyə gedən bir ölkədir və bu, xalqımızın böyük sərvətidir.
Bu mərasimdə cənab İlham Əliyev beynəlxalq aləmdə baş verən proseslərə də diqqət çəkdi. Dövlət başçısı qeyd etdi ki, bu gün dünyada gedən proseslər göz qabağındadır. Qanlı toqquşmalar, müharibələr, münaqişələr, bəzi ölkələrin digər ölkələrin işlərinə kobudcasına qarışması, vəziyyətin gərginləşməsi - bütün bunları biz Azərbaycanda görmürük və görməyəcəyik. Çünki xalq-iqtidar birliyi, cəmiyyətdəki həmrəylik, vahid siyasi baxışlarımız, təbii ki, bizim tarixi Zəfərimiz və bir çox digər amillər bizi bu çətinliklərdən, çağırışlardan sığortalayır. Artıq 30 ilə yaxındır ki, Azərbaycan sabitlik şəraitində yaşayır və əminəm ki, bundan sonra əbədi sabitlik şəraitində yaşayacaq.
Prezident İlham Əliyev mərasim çərçivəsində idmançılara, idman ictimaiyyətinin nümayəndələrinə tövsiyələrini də çatdırdı. Dövlət başçısı bildirdi ki, onlar həm Qarabağ və Şərqi Zəngəzur bölgələrinə, həm də digər bölgələrə tez-tez getsinlər, orada həm görüşlər keçirsinlər, həm də ki, gənc idman istedadlarını seçsinlər. Çünki seleksiya işi əsas amildir.