Xəbərlər
Şirvan şəhərində ağacəkmə aksiyası keçirilib
“Yaşıl dünya naminə həmrəylik ili” çərçivəsində Şirvan şəhərində ağacəkmə aksiyaları davam etdirilir.
Növbəti aksiya Şirvan-Hacıqabul avtomobil yolunun Heydər Əliyev prospektindən keçən hissəsində keçirilib.
Aksiyada YAP Şirvan şəhər təşkilatının sədri Zahir Qəhrəmanov, Milli Məclisin deputatı Heydər Əsədov, Şirvan Şəhər İcra Hakimiyyətinin başçısı İlqar Abbasov, ictimaiyyət nümayəndələri iştirak ediblər.
Aksiya zamanı yerli iqlim şəraitinə uyğun müxtəlif növ ağac əkilib. Əkilən ağaclara aqrotexniki qulluq göstərilib, onların qorunması və suvarılması ilə bağlı tədbirlər görülüb.
