Xəbərlər
Əlibala Məhərrəmzadə seçicilərlə görüşüb
Azərbaycan Respublikasının Prezidenti İlham Əliyevin yerlərdə vətəndaş müraciətlərinə obyektiv və operativ baxılması, vətəndaş məmnunluğunun təmin edilməsi ilə bağlı müvafiq Sərəncam və tapşırıqlarına uyğun olaraq, həmçinin bu istiqamətdə dövlət siyasətini əsas tutaraq, 59 saylı Quba seçki dairəsi üzrə Milli Məclisin deputatı Əlibala Məhərrəmzadə Quba rayonunda vətəndaş qəbulu keçirib.
Yeni Azərbaycan Partiyası Quba rayon təşkilatının qərargahında baş tutan görüş zamanı Əlibala Məhərrəmzadə vətəndaşların problemlərini dinləyib, onları narahat edən məsələlərlə yaxından tanış olub.
Əhalinin müxtəlif sosial qruplarını təmsil edən vətəndaşların qaldırdığı məsələlərin bir qismi yerindəcə həllini tapıb. Digər müraicətlər isə həll olunması üçün aidiyyatı orqanlara yönləndirilib.
