Xəbərlər
“Azərbaycanın dövlət müstəqilliyi əbədidir”
Yeni Azərbaycan Partiyası (YAP) Tərtər rayon təşkilatı və Tərtər Rayon İcra Hakimiyyətinin birgə təşkilatçılığı ilə 28 May - Müstəqillik Günü münasibətilə “Azərbaycanın dövlət müstəqilliyi əbədidir” mövzusunda tədbir keçirilib.
Əvvəlcə Ümummilli Lider Heydər Əliyevin və torpaqlarımızın bütövlüyü uğrunda həlak olmuş şəhidlərin əziz xatirəsi bir dəqiqəlik sükutla yad edilib.
Tədbirdə çıxış edən YAP Tərtər rayon təşkilatının sədri Eldar Əsədov, Tərtər Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini Zabil Paşayev, Tərtər şəhər inzibati ərazi dairəsi üzrə nümayəndəsinin müavini Seymur Yusibov, Tərtər Rayon Mərkəzi Xəstəxanasının şöbə müdiri Şəfaqət Əzimova və Tərtər şəhər 1 saylı tam orta məktəbin müəllimi Aygün Paşayeva Azərbaycan Xalq Cümhuriyyətinin yaranma tarixindən, müstəqilliyi şərtləndirən amillərdən, həmin dövrdə siyasi şəraitdən danışıblar. Həmçinin qeyd olunub ki, müstəqil və Azərbaycan dövlətinin yenidən möhkəm təməllər üzərində qurulmasında, dünyada tanıdılmasında Ümummilli Lider Heydər Əliyevin tarixi xidmətləri əvəzsizdir.
