Xəbərlər
Azərbaycanı yeni qələbələrə qovuşduracaq Lider
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində fevralın 2-də Lənkəran şəhərində gənclərlə görüş keçirilib.
Görüşdə çıxış edən YAP Lənkəran rayon təşkilatının sədri İqbal Əmənullayev bildirib ki, 7 fevral tarixində keçiriləcək prezident seçkiləri çağdaş tariximizə Zəfər seçkiləri kimi yazılacaq. Bu seçkilər müstəqillik tariximizdə ilk dəfə olaraq bütün ərazilərimizi əhatə edəcək. Qürurvericidir ki, işğaldan azad edilmiş ərazilərimizdə soydaşlarımızın seçkilərdə yüksək səviyyədə iştirakını təmin etmək üçün seçki məntəqələri yaradılıb.
Seçicilər son 20 ilin tarixi uğurlarına əsaslanaraq Yeni Azərbaycan Partiyasının namizədi cənab İlham Əliyevə səs verəcəklərini diqqətə çatdırıblar.
Qeyd edək ki, təşviqat kampaniyası çərçivəsində Lənkəran şəhəri “Vüsal Quliyev 5” ünvanında yaşayan seçicilərlə də görüş keçirilib.
