Xəbərlər
Haqq səsimizi dünyaya çatdıran Lider
Şəmkir rayonunda seçicilərlə görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanavarın 30-da Şəmkir rayonunun Dəllər qəsəbəsinin, Dəllər-Cəyir, Sabirkənd və Mahmudlu kəndlərinin seçiciləri ilə görüş keçirilib.
Görüşdə YAP Şəmkir rayon təşkilatının sədri Fəxrəddin Vəliyev, Milli Məclisin deputatı Nurlan Həsənov, təşviqat qrupunun üzvləri Zamir Güvəndiyev, Famil Həmidov, Ayaz Orucov, Roza Orujova, Məmməd Qasımov, Azər Əliyev, Qoşqar Əliyev və İbrahim İbrahimov çıxış ediblər. Çıxışlarda qeyd olunub ki, Prezident İlham Əliyev Azərbaycan dövlətçilik tarixinə adını qızıl hərflərlə yazdırmış tarixi şəxsiyyətdir. Qalib Lider 20 illik fəaliyyəti dövründə xalqa verdiyi bütün vədləri tərəddüdsüz yerinə yetirib. 20 illik fəaliyyətin zirvəsində təbii ki, işğal altındakı torpaqlarımızın azad olunması, ərazi bütövlüyümüzün bərpası ilə nəticələnmiş Vətən müharibəsi dayanır. Bu gün Azərbaycan xalqı öz tarixinin ən şərəfli və qürurverici dövrünü yaşayır. Biz qalib xalqın nümayəndələri, qalib dövlətin vətəndaşlarıyıq.
Natiqlər seçiciləri 7 fevral prezident seçkilərində fəal iştirak etməyə, qalib Lider İlham Əliyevə səs verməyə çağırıblar.
Seçicilər səsvermə günü hamılıqla seçki məntəqələrinə gedərək cənab İlham Əliyevə səs verəcəklərini bildiriblər.
