Xəbərlər
Yeni-yeni zirvələrə
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 25-də Beyləqan rayonunun Yuxarı Çəmənli, Qaradağlı və Aşağı Çəmənli kəndlərində seçicilərlə görüş keçirilib.
Görüşlərdə YAP Beyləqan rayon təşkilatının sədri Müşfiq Səfərov, təşviqat qrupunun üzvləri Tahir Abdullayev, Əlikərəm Allahyarov, Nizami Bayramov, Niyaməddin Əsgərov, Aslan Məmmədov, İsfəndiyar Həşimov, Məstalı Əliyev, şəhid ataları Loğman Tahirov, Atakişi Qasımov və başqaları çıxış ediblər.
Çıxışlarda Prezident İlham Əliyevin ölkəyə rəhbərlik etdiyi dövrün Azərbaycanın şanlı tarixinə hərtərəfli və sürətli inkişaf dövrü kimi daxil olduğu vurğulanıb. Qeyd olunub ki, cənab İlham Əliyevin müdrik rəhbərliyi ilə 2003-cü ildən etibarən həyatımızın müxtəlif sahələrində əsaslı uğurlara nail olunub.
Ərazi bütövlüyümüzün bərpası, qalib xalqa çevrilməyimiz Prezident İlham Əliyevin qətiyyətli, düşünülmüş siyasətinin bəhrəsidir.
Seçicilər isə inamla ifadə ediblər ki, bu illər ərzində qazanılan zəfərlərin davamı gələcək, Prezident İlham Əliyevin Liderliyi ilə Azərbaycan yeni-yeni zirvələr fəth edəcək.
