Xəbərlər
Qarabağ həsrətinə son qoyan müzəffər Ali Baş Komandan
Xocavənd qəsəbəsində məskunlaşmış seçicilərlə görüş keçirilib
2024-cü il fevralın 7-də ölkəmizdə keçiriləcək prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində yanvarın 17-də Xocavənd qəsəbəsində məskunlaşmış seçicilərlə görüş keçirilib. Əvvəlcə Dövlət Himni səsləndirilib, müasir müstəqil Azərbaycan dövlətinin qurucusu Ulu Öndər Heydər Əliyevin və Vətən uğrunda canlarından keçən qəhrəman oğulların xatirəsi bir dəqiqəlik sükutla yad edilib.
Görüşdə YAP Xocavənd rayon təşkilatının sədri Vüsal Hüseynov, təşviqat qrupunun üzvləri - şəhid qardaşı Təvəkgül Fərəcov, Vətən müharibəsi qazisi Vüqar Səfərov çıxış ediblər.
Çıxışlarda vurğulanıb ki, tarixi ədaləti bərpa edən Prezident İlham Əliyevin liderliyi ilə Azərbaycan bu gün Qarabağa qovuşub.
Görüş zamanı çıxış edən seçicilər fevralın 7-də xalqımızın Qarabağ həsrətinə son qoyan müzəffər Ali Baş Komandan İlham Əliyevə səs verəcəklərini əminliklə ifadə ediblər.
Görüşün sonunda YAP-ın Himni səsləndirilib.
Tədbirdən sonra Vətən müharibəsi şəhidləri Xəyal Namazov və Şirxan Quliyevin ailələri ziyarət edilib.
