Xəbərlər
YAP Xətai rayon təşkilatının fəalları şəhid abidələrinin ətrafında abadlıq işləri aparıblar
Dövlətimiz tərəfindən Birinci Qarabağ müharibəsi, eyni zamanda, Vətən müharibəsi şəhidlərinin xatirələrinin əbədiləşdirilməsi istiqamətində görülən işlər, şəhid ailələrinin və müharibə əlillərinin sosial müdafiəsinin gücləndirilməsi, məişət problemlərinin həlli məqsədilə həyata keçirilən layihələr bu gün yüzlərlə insanı əhatə edir.
Ölkənin ictimai-siyasi həyatında aparıcı rol oynayan Yeni Azərbaycan Partiyası Zəfərimizin qəhrəmanları olan şəhidlərimizin, qazilərimizin vətənpərvərlik yolunun təbliğində fəal iştirak edir, şəhidlərin ailələrinə, hərbçilərə diqqət və qayğısını reallaşdırdığı tədbirləri ilə təsdiqləyir.
YAP Xətai rayon təşkilatının Rayon İcra Hakimiyyəti ilə birgə şəhidlərin anım mərasimlərinin təşkilində, xatirə lövhələrinin, onların adlarını daşıyan parkların açılışında fəal iştirakı da bu qəbildəndir. Eyni zamanda, YAP Xətai rayon təşkilatının fəalları mütəmadi olaraq şəhid abidələrinin və baralyeflərinin ətrafında abadlıq və təmizlik işləri həyata keçirirlər.
Allah şəhidlərimizə rəhmət eləsin!
