Xəbərlər
YAP Beyləqan rayon təşkilatının nümayəndələri Şəhidlər Xiyabanın abadlaşdırılmasında fəal iştirak ediblər
YAP Beyləqan rayon təşkilatının rəhbərliyinin və fəallarının Beyləqan şəhidlərinin ailələrini ziyarət etməsi, onların problem və qayğıları ilə maraqlanması artıq ənənəvi hal alıb. O cümlədən, qazilərin problemləri də daim onların diqqətindədir.
Rayon təşkilatının əməkdaşlarının humanitar tədbirləri sırasında şəhid məzarlarının ziyarəti və onların abadlaşdırılması işi də ön plandadır. Belə ki, onlar ötən gün şəhid məzarlarının və abidələrinin ətrafının abadlaşdırılması məqsədilə, Beyləqan rayonunda yerləşən Şəhidlər Xiyabanında olub, abidələrin və baralyeflərin ətrafında abadlıq işləri aparıblar.
